13.09c
Երեվան
ուրբ, հկտ 23
Սուրիոյ նախագահ Պաշշար Ասատ «Russia Today» լրատուական հեռուստակայանին տուած հարցազրոյցի ընթացքին նշած է, որ Սուրիոյ հակամարտութիւնը մօտեցած է իր աւարտին, շեշտելով, որ եթէ արտաքին ուժեր չմիջամտեն, առաւելագոյնը մէկ տարուան ընթացքին Սուրիոյ ճգնաժամն աւարտած պիտի ըլլայ:
Ասատ դիտել տուած է, որ իւրաքանչիւր հողատարածք ազատագրելով Սուրիոյ բանակը կը մօտենայ պատերազմի աւարտին, սակայն միւս կողմէ ԱՄՆ-ի եւ Եւրոպայի կողմէ օժանդակուող ուժերը խոչընդոտ կը հանդիսանան, թէ' ահաբեկչական խմբաւորումներուն աջակցելով, թէ' նոր ահաբեկչական խմբաւորումներ ստեղծելով:
Ասատի կարծիքով, Սուրիոյ տարբեր նահանգներու ազատագրումը տկարացուց ԱՄՆ-ի գոյութիւնը Սուրիոյ մէջ, որուն հետեւանքով ալ վերջինս սկսաւ այլ միջոցներ որոնել, իր գոյութիւնը պահպանելու համար, եւ այդ որոնումներու արդիւնքն էր Սուրիոյ Դեմոկրատական ուժերու ստեղծումը:
Ասատ շեշտած է, որ ԱՄՆ-ի հետ նախ պիտի փորձեն երկխօսութեան մեթոտը, սակայն արդիւնքի չհասնելու պարագային, պիտի դիմեն ուժի կիրառման, ազատագրելու համար Ամերիկայի գերիշխանութեան տակ գտնուող շրջանները:
Ինչ կը վերաբերի իրանեան ուժերուն, Ասատ նշած է, որ Սուրիոյ մէջ կան Սուրիոյ բանակին հետ համագործակցող իրանցի սպաներ, սակայն չկան իրանեան զօրքեր:
