31.09c
Երեվան
կրկ, օգս 16
Սփիւռքի հայկական համայնքներ իմ այցերը չեն պոյքոթուիր։ Կառավարութեան նիստէն ետք լրագրողներու հետ ճեպազրոյցին պնդած է Սփիւռքի գործերու գլխաւոր յանձնակատար Զարեհ Սինանեանը։
«Օրինակներ բերէք, ես էլ ձեզ 50 օրինակ բերեմ, որ չեն բոյկոտվում։ Ամիս, ամսաթուով ուղարկէք, պատասխանեմ։ Ես անցեալ տարի նուազագոյնն ունեցել եմ 50 հանդիպում, որոնցից մէկի ընթացքում ձեզ յայտնի շրջանակները կազմակերպել են խուլիգանական ակցիա»,- նշած է ան։
Ի դէպ, Զարեհ Սինանեանը տեղեակ չէ՝ ինչու սփիւռքահայ դաշնակցականներու մուտքը Հայաստան կ'արգիլուի։ Ան հաւաստիացուցած է, որ որոշ դաշնակցականներու մուտքը Հայաստան արգիլելու որոշման կայացման չէ մասնակցած:
Յիշեցնենք՝ աւելի վաղ Ազգային Ժողովի «Հայաստան» խմբակցութեան անդամ Գեղամ Մանուկեանը դիմատետրեան էջի միջոցաւ տեղեկացուցած էր, որ հոլանտահայ դաշնակցական Ասլան Ասլանեանի մուտքը Հայաստան արգիլուեր է։
