18.09c
Երեվան
շբթ, մյս 09
Ռուսաստանի Անասնաբուժական եւ բուսասանիտարական վերահսկողութեան դաշնային ծառայութիւնը («Ռոսսելխոզնատզոր») 2021 թուականի Յուլիսի սկիզբէն թոյլ չէ տուած Ատրպէյճանէն ՌԴ-ի տարածք մտցնել 83,2 թոն լոլիկ եւ 36,9 թոն դեղձ: Այս մասին ըսուած է կազմակերպութեան հաղորդագրութեան մէջ, գրած է haqqin.az կայքը:
Միրգ-բանջարեղէնի մուտքի արգելքի պատճառը Բուսական քարանթինի համառուսաստանեան կեդրոնի Տաղստանի մասնաճիւղի տարրալուծարանի եզրակացութիւնն է, որուն մէջ նշուած է ապրանքներու մէջ քարանթինային վնասակար մարմիններու` լոլիկի ցեցի (Tuta absoluta Povolny) եւ արեւելեան ցեցի (Grapholitha molesta) յայտնաբերման մասին:
2021 թուականի Յունիսի տուեալներով՝ «Ռոսսելխոզնատզոր»-ը հրաժարած է Ատրպէյճանէն եւ Իրանէն երկիր ներմուծել 20 թոն բանջարեղէն (լոլիկ, պղպեղ, գետնախնձոր եւ այլն) եւ 13,7 թոն միրգ-հատապտուղ (խնձոր, ելակ, կեռաս, ծիրան, դեղձ եւ այլն):
