2.09c
Երեվան
երկ, նմբ 03
Այսօր 2 նոյեմբերին, Տաւուշի մարզին մէջ ծանր արկած մը տեղի ունեցած է։ Ժամը շուրջ 15։10-ին, դէպի Հաղարծինի վանական համալիրը տանող ճամբուն վրայ, Վալերի Պրիւսովի անուան Պետական համալսարանի ուսանողներ տեղափոխող հանրակառք մը դուրս եկած է երթեւեկելի գօտիէն եւ, բախելով ծառերուն, կիսով չափ շրջուած վիճակի մէջ ինկած է անտառին մէջ։
Արկածին հետեւանքով գրանցուած են տասնեակ վիրաւորներ։
Դէպքի վայրէն հրապարակուած Տեսանիւթը տեսնելու համար միացէք՝ «Արեւելք»ի Թէլէկրամեան ալիքին։
Դէպքի վայր ժամանած են ՀՀ Ներքին գործոց նախարարութեան Փրկարար ծառայութեան Դիլիջանի հրշէջ-փրկարարական ջոկատէն մէկ մարտական խումբ։ Փրկարարները վիրաւորները մօտեցուցած են շտապօգնութեան մեքենաներուն, որոնք ալ իրենց կարգին վիրաւորները փոխադրած են մօտակայ հիւանդանոց
Դիլիջանի Քննչական բաժնի կողմէ սկսած է քրէական վարոյթ՝ վարորդին եւ վիրաւորներուն ինքնութիւնը որոշելու նպատակով։
Դէպքի վայրին վրայ հաւաքուածներուն վկայութեամբ՝ հիվանդանոց տեղափոխուած է շուրջ 20 հոգի, որոնց կեանքին բարեբախտաբար վտանգ չկայ։
Կը նշուի նաեւ, որ վիրաւորներէն մի քանին ունին միջին ծանրութեան վնասուածքներ։
Դէպքի վայրէն հրապարակուած Տեսանիւթը տեսնելու համար միացէք՝ «Արեւելք»ի Թէլէկրամեան ալիքին։
