22.09c
Երեվան
կրկ, սպտ 01
Իրաքը կլիմայական փոփոխությունների պատճառով բախվում է լուրջ ջրային ճգնաժամի, ցամաքել են ՅՈՒՆԵՍԿՕ-ի Համաշխարհային ժառանգության ցուցակում ընդգրկված ճահիճները երկրի հարավում, Տիգրիս եւ Եփրատ գետերին նույնպես սպառնում է չորացում:
Ինչպես փոխանցում է «ՌԻԱ Նովոստին», այս մասին Դուբայում ՄԱԿ-ի կլիմայի հարցերով համաժողովի շրջանակներում անցկացվող համաշխարհային կլիմայական գագաթնաժողովի բացման ժամանակ հայտարարել է Իրաքի նախագահ Աբդել Լատիֆ Ջամալ Ռաշիդը:
«Իրաքը ջերմոցային գազերի ցածր արտանետումներով երկիր է, սակայն այն աշխարհի ամենախոցելի երկրներից մեկն է կլիմայի փոփոխության նկատմամբ, հատկապես ջրի և գյուղատնտեսության ոլորտներում:
Երկիրը կանգնած է ջրային շատ լուրջ ճգնաժամի առաջ, որի լավագույն օրինակն է ՅՈՒՆԵՍԿՕ-ի համաշխարհային ժառանգության ցանկում ընդգրկված հարավային Իրաքի ճահիճների երաշտը:
Տիգրիս և Եփրատ գետերը ներկայումս սպառման և չորացման վտանգի տակ են՝ տարբեր ազդեցությունների, այդ թվում՝ կլիմայի փոփոխության պատճառով»,- ասել է Ռաշիդը։
