3.09c
Երեվան
հնգ, փտր 12
Այս պահուն Թալինի մէջ մեծաթիւ ոստիկանական ուժեր կեդրոնացած են. Քիչ անց այստեղ տեղի պիտի ունենայ Թալին խոշորացուած համայնքի նորընտիր աւագանիի անդրանիկ նիստը, ուր համայնքապետ պէտք է ընտրուի:
Այստեղ նաեւ մեծ թիւով քաղաքայիններ հաւաքուած են, որոնք հիմնականին մէջ «Զարթօնք» կուսակցութեան համակիրներ են:
Նշենք, որ թէեւ ՔՊ-ն Թալինի մէջ ՏԻՄ ընտրութիւններուն ստացած է 46,6 տոկոս ձայն, սակայն ընտրութիւններուն մասնակցած միւս երեք ուժերը («Զարթօնք», «Հայք» եւ «Մեր համայնքը»), որոնք առանձին-առանձին անհամեմատ քիչ ձայն ստացած են, կոալիցիա կազմած են եւ մտադիր են իրենց կազմէն ընտրել համայնքի ղեկավար: Խոսքը «Հայք»-ի ներկայացուցիչ Կարէն Գրիգորեանի մասին է:
Աւելի ուշ պարզ դարձաւ, որ «Զարթօնք» կուսակցութեան անդամներէն երեքը բերման ենթարկած են ոստիկանութեան Թալինի բաժին: Բացի այդ, «Հայք» կուսակցութիւնը լարուածութիւնը թօթափելու համար որոշում կայացուցած էր հրաժարիլ մանտաթներէն, սակայն ըստ երեւոյթին անոնք մանտաթները վայր չեն դրած եւ այսօր կը մասնակցին աւագանիի նիստին:
