Ճափոնի հետ յարաբերութիւններու մասին համաձայնագրի քննարկումը անհնար է. ՌԴ ԱԳՆ

Ճափոնի հետ յարաբերութիւններու մասին համաձայնագրի քննարկումը անհնար է. ՌԴ ԱԳՆ

Յստակ ոչ բարեկամական դիրքորոշում ունեցող Ճափոնի հետ յարաբերութիւններու մասին համապարփակ պայմանագրի քննարկումը, ներառեալ՝ խաղաղութեան մասին, անհնար է, «ՌԻԱ Նովոստի»-ին տուած հարցազրոյցի ժամանակ ըսած է Ռուսիոյ Դաշնութեան Արտաքին գործոց նախարարութեան ասիական երրորդ վարչութեան տնօրէն Նիքոլայ Նոզտրեւը։

Ան նշած է, որ ռուսական կողմն աւելի վաղ Թոքիոյի հետ բանակցութիւններ վարած էր համապարփակ փաստաթուղթի շուրջ, որ կը համապատասխանէ ժամանակակից իրողութիւններուն եւ կը սահմանէ ռուս-ճափոնական յարաբերութիւններու ամբողջ շրջանակի արագացուած զարգացման հիմնական ուղղութիւնները։

«Ինչպէս կ'ընդգծուի Ռուսիոյ Դաշնութեան Արտաքին գործոց նախարարութեան 21 մարտ 2022-ի յայտարարութեան մէջ, ակնյայտ է, որ անհնար է նման համաձայնագիր քննարկելը պետութեան մը հետ, որ բացայայտ ոչ բարեկամական դիրքորոշումներ կ'ընդունի եւ կը ձգտի վնասել մեր երկրի շահերուն»,- ըսած է դիւանագէտը։

Աւելի վաղ վարչապետ Ֆումիօ Քիսիտան յայտարարած էր, որ, հակառակ Ուքրանիոյ հարցով Ռուսիոյ հետ բարդ յարաբերութիւններուն, Ճափոնը հաստատակամօրէն հաւատարիմ է տարածքային խնդրի լուծման եւ խաղաղութեան պայմանագրի կնքման։