0.09c
Երեվան
շբթ, փտր 07
Ատրպէյճանի եւ Թուրքիոյ նախագահներ Իլհամ Ալիեւը եւ Ռէճէպ Թայէպ Էրտողանը 25 փետրուարին, հանդիպած են Պոլսոյ մէջ, քննարկած են երկկողմ յարաբերութիւններու զարգացումը, հայ-ատրպէյճանական յարաբերութիւններու կարգաւորումը, յայտնած են ատրպէյճանական լրատուական միջոցները:
«Զրոյցի ընթացքին նախագահները քննարկած են քաղաքական, տնտեսական, առեւտուրի, ուժանիւթի, ռազմական եւ ռազմատեխնիկական ոլորտներու մէջ Ատրպէյճանի եւ Թուրքիոյ միջեւ համագործակցութեան հետագայ խորացման հեռանկարները: Բացի այդ, Ալիեւը եւ Էրտողանը միտքեր փոխանակած են Հայաստանի եւ Ատրպէյճանի միջեւ յարաբերութիւններու կարգաւորման եւ խաղաղ օրակարգի վերաբերեալ»,- նշուած է Ատրպէյճանի նախագահի կայքը տեղադրուած հաղորդագրութեան մէջ:
Ալիեւը յայտարարած է Ատրպէյճանի կողմէ Թուրքիոյ աջակցութեան մասին:
Էրտողանն, իր հերթին, «երախտագիտութիւն յայտնած է Ատրպէյճանի ղեկավարին՝ Թուրքիա կատարած այցին, Ատրպէյճանի կողմէ առաջին իսկ օրուընէ ցուցաբերած աջակցութեան եւ համերաշխութեան համար», ինչպէս նաեւ ընդգծած է, որ «Թուրքիան եւ Ատրպէյճանը միշտ կողք կողքի են»:
Ալիեւ շնորհաւորած է Էրտողանը յառաջիկայ ծննդեան օրուան կապակցութեամբ:
