26.09c
Երեվան
կրկ, սպտ 06
Հայաստանը ամէն ինչ կ՚ընէ Թուրքիոյ հետ սահմաններու բացման եւ դիւանագիտական յարաբերութիւններու հաստատման համար։ Չեխիա կատարած պաշտօնական այցը ամփոփող ասուլիսի ընթացքին այս մասին յայտարարած է Հայաստանի նախագահ Վահագն Խաչատուրեանը՝ պատասխանելով հայ-թրքական յարաբերութիւններու կարգաւորման գործընթացին եւ սահմանը բանալու հեռանկարներուն վերաբերող լրագրողի հարցին։
Նախագահին խօսքով՝ սահմանային անցակէտերուն մէջ անհրաժեշտ աշխատանքները իրականացուած են, եւ անոնք պատրաստ են ապահովելու մարդոց, ապրանքներու եւ փոխադրամիջոցներու տեղաշարժը։
«Մենք պատրաստ ենք ցանկացած պահի, այս պահին էլ, սահմանի բացմանը։ Դուք տեղեակ էք, որ սահմանային կէտերում համապատասխան աշխատանքներն իրականացուել են, եւ դրանք պատրաստ են ապահովելու մարդկանց, ապրանքների ու մեքենաների տեղաշարժը», յայտարարած է ան։
Նախագահի խօսքով՝ հայ-թրքական կարգաւորման գործընթացը կը դիտարկուի նաեւ Հայաստանի եւ Ատրպէյճանի միջեւ յարաբերութիւններու բարելաւման եւ տարածաշրջանային խաղաղութեան հաստատման պարունակին մէջ։
