33.7c
Երեվան
ուրբ, հլս 03
2022 թուականի արդիւնքներով` Հայաստանի Հանրապետութեան մէջ արձանագրուած է 12,6 տոկոս տնտեսական աճ: Այս մասին իր դիմատետրեան էջին գրած է ՀՀ վարչապետ Նիկոլ Փաշինեան՝ աւելցնելով, որ այս ցուցանիշով ՀՀ, ինչպէս նախորդ օրը պարզուած է միջազգային կազմակերպութիւններու հրապարակումներէն, աշխարհի 4-րդն է:
«2022 թուականին 2017-ի համեմատ պետական պիւտճէի հարկային եկամուտներն աճել են աւելի քան 2 մլրդ տոլարով», - գրած է ան՝ կից հրապարակելով ՀՀ վարչապետին կից տնտեսական քաղաքականութեան խորհուրդի երկրորդ նիստի ընթացքին ունեցած ելոյթի տեսանիւթը։
«2018 թուականի համեմատ՝ 1․8 մլրդ տոլարով եւ 53 տոկոսով, ինչը նոյնպէս շատ կարեւոր ցուցանիշ է։ 2022 թուականի դեկտեմբերին մենք արձանագրել ենք գրանցուած աշխատատեղերի պատմական ամենաբարձր ցուցանիշը ՀՀ-ում․ 704 հազար աշխատատեղ է արձանագրուել։ 2022 թուականի արդիւնքներով՝ մենք ունենք 13 տոկոս գործազրկութիւն, ինչը վերջին տասնամեակի համար էականօրէն ցածր ցուցանիշ է», - ըսած է վարչապետը՝ աւելցնելով, որ երրորդ եռամսեակին գործազրկութեան մակարդակը նուազած է հասնելով 11,6 տոկոսի։
