12.09c
Երեվան
շբթ, ապր 05
Միւնիխի անվտանգութեան համաժողովի շրջածիրէն ներս վարչապետ Նիկոլ Փաշինեան հանդիպում ունեցած է Դաշնային վարչապետ Օլաֆ Շոլցի հետ։
Վարչապետ Փաշինեան առողջութիւն մաղթած է Միւնիխի մէջ օրերս տեղի ունեցած միջադէպէն տուժածներուն:
Հանդիպման ընթացքին կողմերը քննարկած են Հայաստան-Գերմանիա երկկողմ յարաբերութիւններու օրակարգը եւ բազմոլորտ համագործակցութեան խորացման հեռանկարները:
Վարչապետ Փաշինեան կարեւորած է երկկողմ կապերու ընդլայնումն ու առեւտրատնտեսական կապերու աշխուժացումը:
Զրուցակիցներն անդրադարձած են նաեւ տարածաշրջանային անվտանգութեան ու կայունութեան հարցերուն:
Վարչապետ Փաշինեան ներկայացուցած է Հայաստանի Կառավարութեան՝ տարածաշրջանի մէջ խաղաղութեան հաստատման ուղղուած ջանքերը, այդ ծիրէն ներս մանրամասներ հաղորդած «Խաղաղութեան խաչմերուկ» նախաձեռնութեան`հիմնուած ինքնիշխանութեան, իրաւազօրութեան, հաւասարութեան եւ փոխադարձութեան սկզբունքներու հիման վրայ, ինչպէս նաեւ Հայաստան-Ատրպէյճան խաղաղութեան գործընթացի զարգացումներու մասին:
Վարչապետ Շոլց իր հերթին նշած է, որ Գերմանիան պատրաստ է շարունակել աջակցիլ Հայաստանի ժողովրդավարական բարեփոխումներու օրակարգին, ինչպէս նաեւ խաղաղութեան հաստատման ուղղուած քայլերուն:
Հանդիպման աւարտին կողմերը վերահաստատած են փոխգործակցութեան խորացման պատրաստակամութիւնը եւ կարեւորած երկկողմ քաղաքական երկխօսութեան շարունակականութիւնը:
