3.09c
Երեվան
երք, մրտ 11
Օրերս՝ ամերիկեան բժշկական քննութիւններու փուլերը յաջողութեամբ աւարտելէ ետք Միացեալ Նահանգներու բժշկական համալսարանի վկայականը ստացած է Լիբանանի Այնճարի զաւակ եւ Երեւանաբնակ բժիշկ՝ Րաֆֆի Թովմասեան:
Այս մասին «Արեւելք» կը կարդայ ՝«Մուսալեռ-Այնճար» դիմատետրի էջէն, ուր մասնաւորապէս գրուած է ՝ Կը շնորհաւորենք մեր գիւղի զաւակներէն, Րաֆֆի Յակոբ Թովմասեանի բժշկութեան վկայականը, մաղթելով` նորանոր յաջողութիւններ եւ բարձր վերելք։
Բժիշկ Րաֆֆի Թովմասեան Միացեալ Նահանգներու բժշկական վկայականի քննութիւններու (USMLE) ճանապարհը սկսած է 2019-ին, ան 8 ամիս պատրաստուելէ ետք յանձնած է առաջին փուլի քննութիւնները հաւաքելով 241 միաւոր:
2020-ին սկսած է պատրաստուիլ 2րդ փուլին եւ յանձնած է քննութիւնները 4 ամիս ետք հաւաքելով 234 միաւոր:
Բժիշկ Թովմասեան 2019-էն ի վեր կը դասաւանդէ Երեւանի ProfMind Lab-ի մէջ:
Այս բոլորին զուգահեռ ան ուսանած է Երեւանի Մխիթար Հերացիի անուան Բժշկական համալսարանը եւ աւարտած 2021-ին:
Ան անցուցած է առցանց բժշկական դասընթացքներ ընտանեկան բժշկութեան եւ ներքին հիւանդութեանց մասին Ամերիկայի AMITA Health Resurrection բժշկական կեդրոնի եւ OSF Little Company Mary բժշկական կեդրոնի մէջ:
Բժիշկ Թովմասեան կը մասնագիտանայ Պէյրութի Ամերիկեան Համալսարանի Բժշկական Կեդրոնին մէջ (American University of Beirut Medical Center) Ընտանեկան Բժշկութիւն:
