18.09c
Երեվան
երկ, հնս 23
Օրերս Այնճար հայաւանին մէջ տեղի ունեցաւ«Մետալի Հակառակ Կողմը» ժապաւէնի ցուցադրութիւնը, ներկայութեամբ ժապաւէնի արտադրող եւ գլխաւոր դերասանուհի Աննա Մաքսիմի:
Այս մասին «Արեւելք» տեղեկութիւն ստացաւ «Մուսա լեռ» դիմատետրեան էջէն:
Ստորեւ կը ներկայացնենք լրատւութիւնը՝
Նախաձեռնութեամբ` ՀՅԴ Լիբանանի Կեդրոնական կոմիտէի ՋԱՀ յանձնախումբին, Կազմակերպութեամբ` ՀՅԴ "Կարմիր Լեռ" կոմիտէի դաստիարակչական յանձնախումբին , Երեքշաբթի, 29 ապրիլին երեկոյեան ժամը 7:30-ին, «Սարգիս Զէյթլեան» կեդրոնի "Մովսէս Տէր Գալուստեան" սրահին մէջ տեղի ունեցաւ «Մետալի հակառակ կողմը» ժապաւէնի ցուցադրութիւնը, ներկայութեամբ Հայաստանէն հրաւիրուած ժապաւէնի արտադրող եւ գլխաւոր դերասանուհի Աննա Մաքսիմի:
ՋԱՀ յանձնախումբի ներկայացուցիչ` Շողեր Գառնէշեան ողջունելէ ետք ներկաները, փոքր բացատրութեամբ մը ներկայացուց ժապաւէնը , որ կը բացայայտեր ծանրաբարձութեան աշխարհի ախոյեան, Եւրոպայի կրկնակի ախոյեան Նազիկ Աւտալեանի կեանքն ու մարզական ասպարէզը:
Աւարտին ներկաները բուռն ծափահարութեամբ գնահատեցին բեմադրիչը եւ առիթ ունեցան հարցումներ ուղղելու անոր։
Ապա Այնճարի քաղաքապետ Տիար Վարդգէս Խօշեան յուշանուէրով մը պարգեւատրեց Աննա Մաքսիմը։
Ներկաները ազգային ոգիով ներշնչուած մեկնեցան սրահէն։
