17.09c
Երեվան
երք, ապր 28
«Տիգրան Մեծ» հրատարակչութեան տնօրէնի տեղակալ Լիւտվիք Հարոյեանը NEWS.am–ի հետ զրոյցի ժամանակ ըսած է, որ նման քանակով քուէաթերթիկներու տպագրութիւնն աննախադէպ է։
«Հրատարակչութիւնը Կեդրոնական ընտրական յանձնաժողովի հետ կնքել է պայմանագիր՝ քուէաթերթիկներն ու ընտրութիւնների հետ կապուած այլ փաստաթղթերը տպելու համար։ Մեզ ներկայացուած պայմանագրի հիման վրայ ընտրութիւններին մասնակից 25 քաղաքական ուժերից իւրաքանչիւրի համար տպագրուում է 2 մլն 677 հազար քուէաթերթիկ։
Արտադրամասում այս պահին աշխատում է 4 հզօր տպագրական մեքենայ։ Տպագրութիւնն աւարտելուց յետոյ տրցակներն ուղարկում ենք կտրման եւ յանձնում ԿԸՅ։
Նման բան չի եղել, որ այսքան քաղաքական ուժ մասնակցի ընտրութիւններին։ Տպագրութեան աշխատանքի ծաւալը, աշխատողների քանակն աւելացրել ենք, գիշեր–ցերեկ տպագրական մեքենաներն աշխատում են, որպէսզի հասցնենք մինչեւ Յունիսի 17-ը յանձնել քուէաթերթիկները»,– ըսած է Լիւտվիք Հարոյեանը։
Քուէաթերթիկներու տպագրութեան վերջնաժամկէտը 17 Յունիսն է։ Մինչ այդ հրատարակչութիւնը պիտի տպէ 66 մլն 925 հազար քուէաթերթիկ։
