33.09c
Երեվան
հնգ, հլս 31
«Արեւելք»ի խմբագրութեան փափաքին ընդառաջելով Հալէպահայ բեմադրիչ, կրթական մշակ, թատերագիր եւ մտաւորական Մանուէլ Քէշիշեան յետ այսու պիտի ունենայ իր ամենշաբաթեայ սիւնակը «Արեւելք»ի էջերէն: Այս առաջադրանքը գործի մղուեցաւ, որովհետեւ հաւատացինք, որ անհրաժեշտ էր լսել Հալէպահայութեան ձայնը: Մեզի համար պատերազմական օրագրութիւն ապրող Հալէպի մասին գրելը ամէնօրեայ մտահոգութիւն էր, սակայն աւելի ճշմարտացի պիտի ըլլար լսել Հալէպի մէջ իր կեանքը շարունակող մշակին ձայնը: Մեր հեղինակին վկայութիւնները աւելի քան վաւերական են, որովհետեւ քաղուած են առօրեայ կեանքէն: Նպատակը մէկ է իրապաշտ հայացքով ներկայացնել Հալէպը քաղաքը եւ այդ պարունակէն տեսնել կեանքի պայքարին ջահը վառ պահել փորձող մեր հայրենակիցներուն ծանր բայց յոյսով լեցուն ամէնօրեայ մաքառումները:
Բարի ընթերցում:
«Խմբագիր»
