23.09c
Երեվան
շբթ, հլս 05
Օրերս Աւստրալիոյ մէջ տխուր աւարտով մը իր մահկանացուն կնքած է երիտասարդ հայորդի՝ Հրայր Սողոմոնեան։
Հրայր բնիկ Դամասկոսէն էր, եւ կեանքի պայմաններու բերումով հաստատուած էր Աւստրալիա։
Հրայրի անժամանակ մահուան մասին գրառում մը կատարած էր Դամասկոսի ՀՄՄ-ի մարմինը։
«Արեւելք» ստորեւ կը ներկայացնէ այդ հակիրճ մահագրականը։
Սրտի խոր կսկիծով համացանցի էջերէն իմացանք Աւստրալիոյ մէջ ընկ. Հրայր Սողոմոնեանի վաղամեռիկ մահը։ Ան եղած էր Դամասկոսի Հ.Մ.Մ.-ի անդամ եւ ֆանֆարի փողերախումբի լաւագոյն նուագողներէն։
Դամասկոսի Հ.Մ.Մ.-ի վարչութիւնը իր խորին ցաւակցութիւնները կը յայտնէ իր տիկնոջ եւ համայն Սողոմոնեան ընտանիքին, ի մասնաւորի իր եղբօր Դամասկոսի Հ.Մ.Մ.-ի վարչութեան նախկին անդամ ընկ. Սիմոն Սողոմոնեանին։
Յիշատակն արդարոյն օրհնութեամբ եղիցի։
