22.09c
Երեվան
կրկ, հնս 22
Ուաշինկթընի եւ Թեհրանի միջեւ Իսլամական Հանրապետութեան միջուկային ծրագրի շուրջ տարաձայնութիւնները հարթելու նպատակով բանակցութիւններու 5-րդ փուլը տեղի պիտի ունենայ մայիս 23-ին Հռոմի մէջ:
Այս մասին յայտնած է Իրանի ԱԳՆ Telegram ալիքը՝ վկայակոչելով գերատեսչութեան ղեկավար Էսմայիլ Պաղաին։
Պաղաին աւելցուցած է, որ Թեհրանը «վճռական է պաշտպանելու Իրանի ժողովուրդի իրաւունքներն ու շահերը միջուկային ուժանիւթի խաղաղ օգտագործման հարցով»։
Իրանի եւ ԱՄՆ-ի միջեւ միջուկային հիմնախնդրի եւ ամերիկեան պատժամիջոցներու վերացման շուրջ բանակցութիւնները կը շարունակուին ապրիլէն։ Ուաշինկթընը մտավախութիւն ունի, որ Թեհրանը կրնայ միջուկային զէնք ստեղծել սեփական ծրագրի շրջածիրէն ներս:
Միաժամանակ Իրանը պնդած է, որ այդ ծրագիրը կ՚օգտագործուի խաղաղ ճանապարհով։
