image
Հրատապ լուրեր:

«Հայերը եգիպտացիներու սրտին մէջ են».Յայտնի լրագրողը Հայ-Եգիպտական բարեկամութեան, Գահիրէի հայ համայնքին եւ Տօքթ. Մազլումեանի դերին մասին

«Հայերը եգիպտացիներու սրտին մէջ են».Յայտնի լրագրողը Հայ-Եգիպտական  բարեկամութեան, Գահիրէի  հայ համայնքին  եւ Տօքթ.  Մազլումեանի  դերին մասին

 Եգիպտական լրագրողական աշխարհին մէջ մեծ ճանաչում  ունեցող Հասան Ալլամ այս շաբթուան իր ամբողջ սիւնակը նուիրած է հայութեան։

 Այս մասին կը տեղականանք Գահիրէի Հայ Դատի ներկայացուցիչ՝ Տօքթ. Արմէն Մազլումեանի դիմատետրեան էջէն։

  Մազլումեան, որ հանգամանաւոր կերպով անդրադարձ մը կատարած է «Ալ Լիուա ալ իսլամի» («Իսլամական դրօշակ») թերթին մէջ լոյս տեսած նիւթին մասին նախ շնորհակալութիւն յայտնած է յայտնի լրագրողին իր այս բացառիկ նախաձեռնութեան համար շեշտելով նաեւ, որ Հայ-Եգիպտական բարեկամական յարաբերութիւնները ունին պատմական խորք եւ անցեալ։ Նշենք նաեւ, որ լրագրողը իր նիւթին մէջ (ի դէպ անոր էջը  կը կոչուի ՝«Ըսելիք ունիմ») մանրամասն կերպով փորձած է ներկայացնել հայութեան ունեցած դերակատարութիւնը Եգիպտոսի եւ մասնաւորապէս Գահիրէի մէջ վկայակոչելով այն գործիչները, որոնք կը համարուին Եգիպտոսի  արդի  պատմութեան  կերտիչներէն, ինչպիսին են  Պօղոս Նուպար  Փաշա  եւ ուրիշներ։

 Ալլամ  նաեւ ներկայացուցած է  Գահիրէի  այսօրուան  հայկական համայնքին ընդհանուր  իրավիճակը  նշելով, որ  Եգիպտացի  ժողովուրդը  մեծ յարգանք եւ սէր կը տածէ  հայութեան հանդէպ եւ այս յարաբերութիւնը կայացած է փոխստախութեան,  հայ տարրին խոնարհ, ծառայասէր եւ մանաւանդ  պարկեշտ  ըլլալուն համար։

 

 Ալլամ  նաեւ բարիով  անդրադարձած է Եգիպտահայ  յարգուած  գործիչ  Տօքթ. Արմէն  Մազլումեանի  դերին  մասին նշելով  նաեւ, որ մեր հայրենակիցը կարեւոր  ճիգեր կը  գործադրէ  ամրացնելու համար Հայ- եգիպտական  բարեկամական  կապերը  եւ  ամրացնելով  Երեւանի եւ  Գահիրէի միջեւ  առկայ  բազմապիսի կամուրջներն ու  յարաբերութիւնները։

 

 

Լուրը համադրաբար՝ «Արեւելք»ի