Եւրոմիութեան դիւանագիտութեան ղեկավար Ժոզեփ Պորէլ «Doha Forum» միջազգային համաժողովին ելոյթի ժամանակ ըսած է, որ Իրանը եւ համաշխարհային տէրութիւնները շատ մօտ են 2015-ի միջուկային գործարքը վերսկսելու համաձայնագրին:
Աւելի վաղ Իրանի արտաքին գործոց նախարար Հըսէյն Ամիր Ապտոլ Լահեանը նոյնպէս յայտարարած էր, որ միջուկային բանակցութիւնները մօտ են աւարտին:
Ան ըսած էր, որ Իրանը բանակցութիւններուն մէջ նախաձեռնութիւններ յառաջ քաշած է` մեկնելով սեփական ժողովուրդի շահերէն, եւ համաձայնութեան հասնիլը կը պահանջէ, որ արեւմտեան երկիրները արձագանգեն այդ նախաձեռնութիւններուն «լուրջ մտադրութիւններով»: