25.09c
Երեվան
երք, հլս 08
Հայաստանի մէջ տնտեսական աշխոյժութիւնը հոկտեմբերին հասած է 17,5 տոկոսի։ Տեղեկութիւնը նշուած է Եւրասիական զարգացման դրամատան գլխաւոր տնտեսագէտ Եւկենի Վինոքուրովի խումբի շաբաթական մակրոտնտեսական հետազօտութեան մէջ:
«Տնտեսական աշխոյժութիւնը Հայաստանի մէջ յունուարէն մինչեւ հոկտեմբեր աճած է 14,5 տոկոսով։ Հոկտեմբերին ցուցանիշի աճն արագացած է մինչեւ 17,5 տոկոս, սեպտեմբերին այն 14,6 տոկոս էր` հիմնականին ծառայութիւններու ոլորտի շարժունութեան արագացման հաշւոյն (հոկտեմբերին՝ + 34,9 տոկոս)։ Ծառայութիւններու ոլորտը կը շարունակուի տնտեսական աշխոյժութեան հիմնական շարժիչ ուժը հանդիսանալ պահանջարկի բարձր մակարդակի պայմաններով», - նշուած է հաղորդագրութեան մէջ:
Հոկտեմբերին պահպանուած է արտաքին առեւտուրի ուժեղ յարաշարժ. արտահանման արժէքային ծաւալները Ռուսիա մատակարարումներու յաւելացման հաշւոյն աճած են 2,2 անգամ։
Նշենք, որ Եւրասիական զարգացման դրամատունը միջազգային ֆինանսական կազմակերպութիւն է, որ ներդրումային գործունէութիւն կ'իրականացնէ եւրասիական տարածքին մէջ: Եւրասիական զարգացման դրամատունը կ'աջակցի տնտեսական կապերու ամրապնդման ու ընդլայնման եւ մասնակից երկիրներու՝ Հայաստանի, Պելառուսիոյ, Ղազախստանի, Ղրղզստանի, Ռուսիոյ եւ Տաճիկստանի համակողմանի զարգացման:
