9.09c
Երեվան
հնգ, ապր 24
Հայաստանը հրաւէր ստացած է՝ մասնակցելու Ատրպէյճանի մէջ կայանալիք ԱՊՀ երրորդ խաղերուն։ Հրաւէրներ ուղարկուած են ԱՊՀ բոլոր երկիրներուն, Հայաստանը դեռ մասնակցութիւնը չէ հաստատած։ Այս մասին յայտարարած է Baku City Circuit (BCC) ընկերութեան անվտանգութեան եւ գործառնութիւններու գծով ղեկավար Այկիւլ Աղաեւան, գրած է APA-ն։
Խաղերու բացման եւ փակման արարողութիւնները տեղի պիտի ունենան Կեանճայի կեդրոնական մարզադաշտին մէջ։
Հայաստանի ԿԳՄՍ նախարար Ժաննա Անդրեասեանը յայտնած է, որ առաջարկն առաջիկային պիտի քննարկուի եւ որոշում պիտի կայացուի։
«Կախուած է տարբեր հանգամանքներից, այդ թւում՝ անվտանգութեան միջոցառումներից։ Կարծում եմ որոշումները պէտք է կայացուեն ամբողջական ինֆորմացիայի պարագայում։ Կը քննարկենք եւ որոշումը կը կայացնենք»,- կառավարութեան մէջ ճեպազրոյցի ժամանակ լրագրողներուն ըսած է նախարարը։
Հայ մարզիկները մինչ այս մասնակցութիւն ունեցած են Ատրպէյճանի մէջ կայացող մարզական իրադարձութիւններուն։
Ատրպէյճանը եւս Հայաստանի մէջ մասնակցած է մարզական միջոցառումներու՝ 2009-ին, 2014-ին եւ 2023-ին։
