-1.91c
Երեվան
շբթ, նմբ 09
Հայաստանի եւ Վրաստանի միջեւ սահմանազատման աշխատանքները վերսկսելու պայմանաւորուածութիւն ձեռք բերուած է։ Լրագրողներու հետ զրոյցին այս մասին ըսած է ՀՀ արտաքին գործոց նախարարի տեղակալ Վահան Կոստանեանը։
«Երկու երկրների կառավարութիւնները պայմանաւորուածութիւն են ձեռք բերել, որ սահմանազատման աշխատանքները պէտք է վերսկսուեն, որոնք բաւականին երկար ժամանակ դադար էին ստացել։
Երկու երկրներն էլ թարմացրել են սահմանազատման իրենց յանձնաժողովները։ Նիստ դեռեւս տեղի չի ունեցել։ Երկու կողմն էլ որոշակի տնային աշխատանքներ են կատարում»,- նշած է Կոստանեանը։
Ան յոյս յայտնած է, որ առաջին նիստը չուշանար։
Դիտարկման, թէ տեղեկութիւններ կը շրջանառուին, որ Լոռիի մարզէն տարածք պիտի զիջուի Վրաստանին, փոխնախարարը պատասխանած է՝ սահմանազատման գործընթաց պիտի ըլլայ։ Անոր խօսքով՝ տրամաբանութիւնը սա է`վերականգնել բոլոր հարեւան երկիրներու հետ 1991 թուականի Ալմա Աթայի հռչակագրի ստորագրման ժամանակ առկայ սահմանագիծը։
