Երբ կազմակերպությունը գործում է մեծ պատկերը տեսնելու շրջահայացությամբ, ապա ներկայի յուրաքանչյուր քայլ արդեն կրում է ապագայի շունչը: AMAA-ի համար կրթությունը, արվեստը, համայնքային զարգացումը եւ գործընկերային ծրագրերը չեն դիտարկվում որպես առանձին իրադարձություններ, այլ որպես մեկ նպատակաուղղված գործողություն՝ դեպի այն իրականություն, որը դեռ լիովին չի երեւում, բայց արդեն սկսում է ձեւավորվել։
Ուշագրավ է Պողոս առաքյալի հետեւյալ միտքը հեռուն տեսնելու այս զարմանալի ունակության մասին․
«Հավատքը հուսացած բաների հաստատությունն է եւ չերեւացող բաների ապացույցը» (Եբրայեցիներին 11.1)։
Հենց այդպիսի հավատով է հնարավոր «ապագայից նայել» ներկային՝ տեսնել այն, ինչ դեռ չի կատարվել, բայց արդեն իրականություն է դառնում աշխատանքի, նվիրման եւ հաստատակամության միջոցով։
Երբ այդ տեսլականը դառնում է գործողություն, ապա ներկան ու ապագան այլեւս բաժանված չեն՝ նրանք հանդիպում են նույն կետում։
Երախտագիտությամբ՝
Քրիստինա Սիմոնյան
Հաղորդակցության եւ գործընկերության ղեկավար