-0.91c
Երեվան
երք, հնվ 20
Երեւանի Խորենացի 24 հասցէին վրայ գտնուող «Ոսկիի աշխարհ» առեւտուրի կեդրոնը անորոշ ժամանակով փակուած է, քանի որ յայտնաբերուած են հրդեհային անվտանգութեան պահանջներուն առնչուող խախտումներ. համապատասխան որոշումը կայացուած է յունուար 23-ին:
Այս մասին լրատուամիջոցներուն յայտնած են Քաղաքաշինութեան, տեխնիկական եւ հրդեհային անվտանգութեան տեսչական մարմինէն:
«Ոսկիի աշխարհ» տօնավաճառի սեփականատէր Վաղարշ Աբրահամեանը վերստուգումներ կայացնելու խնդրանքով դիմում ներկայացուցած է՝ հաւաստիացնելով, որ խախտումներն արդէն շտկուած են:
Քաղաքաշինութեան, տեխնիկական եւ հրդեհային անվտանգութեան տեսչական մարմնէն տեղեկացուցած են՝ դեռ յայտնի չէ, թէ երբ վերստուգումներ կը կատարուին:
Յիշեցնենք, որ 2023 թուականին եւս «Ոսկիի աշխարհ»ը փակուած էր հրդեհային անվտանգութեան պահանջներուն առնչուող խախտումներու պատճառով:
