Ձկնորսները փակած են Երեւան-Սեւան մայրուղին

Ձկնորսները փակած են Երեւան-Սեւան մայրուղին

Ձկնորսները կը բողոքեն ձկնորսութեան արգելքի դէմ:

Բողոքին մասնակիցներէն մէկը պարզաբանեց, թէ ինչ իրավիճակ ունին այսօր. «Շրջակայ միջավայրի նախարարութիւնը որոշած է արդիւնագործական ձկնորսութիւն թոյլ տալ. Ապրիլէն Սեպտեմբեր տուած են 250 թոն ձկան պաշարի որսի թոյլտուութիւն: Լիճին մէջ կ'աշխատի մօտաւորապէս հազար մոթորանաւակ: Եթէ հաշուենք, Սպրիլէն մինչեւ Սեպտեմբեր ժամանակահատուածին թոյլ կը տրուի իւրաքանչիւր մոթորանաւակ որսայ 250 քկ ձուկ: Այդ օրական 1,5 քկ է, որ 3-4 ձուկ է: Սեպտեմբեր 1-էն մինչեւ Հոկտեմբեր 15 լրացուցիչ թոյլ տուած են եւս 100 թոն ձուկ որսալ, այսինքն իւրաքանչիւր մոթորանաւակին 10 քկ լրացուցիչ ձուկ:

Այսինքն մարդը պէտք է պենզին վառէ, մոթորանաւակը աշխատցնէ, ընդամէնը օրական 5 ձուկի համար: Իրենց առաջարկուեցաւ, որ ձուկի գինէն կախեալ վճար մտցնեն, այսինքն եթէ ձուկը ըլլայ 100 դրամ, իւրաքանչիւր մոթորանաւակ մուծէ 10 հազար դրամ, եթէ ձուկը արժէ 150 դրամ, մուծէ 15 հազար դրամ:

Այս 6 ամսուայ մէջ Սեւանէն դուրս եկած է մօտ 10 հազար թոն ձուկ, իսկ պետութիւնը անկէ ստացած է ընդամէնը 350 թոնի բնավճարը: Մինչդեռ կարելի էր եւ այդ 10 հազար թոնի բնավճարը վերցնել, եւ 10-15 հազար դրամները՝ կախեալ ձուկի արժէքէն»:

Այդտեղ ժամանած է Գեղարքունիքի մարզպետ Կարեն Սարգսեանը, որ նշեց. «Եթէ դուք հիմա կ'առաջարկէք, որ կառավարութեան որոշումը չեղարկուի կամ փոփոխութիւն կատարուի, անոր համար ժամանակ պէտք է: Բոլորդ տեղեակ էք, որ սահմանուած չափաքանակ տրուած է», ըսաւ ան, սակայն բողոքի մասնակիցները երկար ժամանակ թոյլ չէին տար մարզպետին աւարտել իր խօսքը եւ իր դիրքորոշումը յայտնել: