31.09c
Երեվան
շբթ, հնս 21
Հայ-ատրպէյճանական կարգաւորման հիմքին պէտք է ըլլան Հայաստանի, Ատրպէյճանի եւ Ռուսաստանի առաջնորդներուն միջեւ ձեռք բերուած եռակողմ պայմանաւորուածութիւնները:
Այս մասին յայտարարած է Ռուսաստանի Արտաքին գործոց նախարարութեան պաշտօնական ներկայացուցիչ Մարիա Զախարովան:
«Մենք կ'ելլենք անկէ, որ հայ-ատրպէյճանական կարգաւորման հիմքին պէտք է ըլլան Հայաստանի, Ատրպէյճանի, Ռուսաստանի առաջնորդներուն` 2020-ի վերջաւորութեան եւ 2021-ի ընթացքին ձեռք բերուած եռակողմ պայմանաւորուածութիւնները», ըսած է ան:
Զախարովան յիշեցուցած է, որ Փութինը Փաշինեանի եւ Ալիեւի հետ քննարկած է այդ պայմանաւորուածութիւններու իրականացման հետ կապուած հարցերու ամբողջ շրջանակը, այդ քննարկուած է նաեւ երեք երկիրներու արտաքին գործոց նախարարներու հանդիպման ընթացքին:
Քննարկուած են հայ-ատրպէյճանական սահմանի սահմանազատման, ճանապարհային կապերու ապաշրջափակման եւ խաղաղութեան պայմանագրի հետ առնչուող հարցեր:
«Ռուսաստանը պիտի շարունակէ բազմակողմանի աջակցութիւն ցուցաբերել Պաքուի ու Երեւանի միջեւ յարաբերութիւններու կարգաւորման», ըսած է Զախարովան:
