12.44c
Երեվան
երկ, ապր 20
Հայաստանի հակափտածութեան կոմիտէէն ներս նախաձեռնուած քրէական վարոյթի շրջածիրէն ներս ձերբակալուած են Հայկական պետական մանկավարժական համալսարանի փոխռեկտորը եւ խումբ մը այլ աշխատակիցներ։
Այս մասին յայտնած են ՀՀ հակափտածութեան կոմիտէէն։
«ՀՀ հակակոռուպցիոն կոմիտէում նախաձեռնուած քրէական վարոյթի շրջանակում ծառայողական լիազօրութիւնները չարաշահելու, խարդախութեան, դրան օժանդակելու եւ պաշտօնէական կեղծիք կատարելու մեղադրանքներով ձերբակալուել են Հայկական պետական մանկավարժական համալսարանի փոխռեկտորը եւ մի խումբ այլ աշխատակիցներ»,- յայտնած են Հակափտածութեան կոմիտէէն:
«Արմէնփրէս»ի տեղեկութիւններով, ձերբակալուածներու շարքին է նաեւ Հայաստանի շախմատի ֆետերացիայի փոխնախագահ, Մանկավարժական համալսարանի գիտական խորհուրդի անդամ, դասախօս Սմբատ Լպուտեանը։
Լրատուամիջոցները յայտնած են, որ ձերբակալուած փոխռեկտորը ուսումնագիտական գիծով փոխռեկտոր Մարիամ Իսպիրեանն է։
