19.09c
Երեվան
կրկ, մյս 03
Չեխիոյ վարչապետ Անտրէյ Պապիշը չեխական լրատուականին տուած հարցազրոյցին յայտարարած է, որ մայիս 3-ին Հայաստանի մէջ բանակցութիւններ պիտի վարէ Ուքրանիոյ նախագահ Վլատիմիր Զելենսքիի հետ։
Բանակցութիւններու թեման չէ յստակեցուած։ Նշուած է միայն, որ Պապիշը Զելենսքիի հետ անձամբ պիտի հանդիպի առաջին անգամ՝ Չեխիոյ ներկայիս կառավարութեան ղեկավարի պաշտօնը ստանձնելէ ետք։
«Այստեղ ես նաեւ պիտի ունենամ կարճ երկկողմ հանդիպումներ Մեծ Բրիտանիոյ վարչապետ Սթարմըրի, Սերպիոյ վարչապետի եւ Մոլտովայի նախագահի հետ։ Առաջին անգամ նաեւ բանակցութիւններ պիտի վարեմ Ուքրանիոյ նախագահ Զելենսքիի հետ»,- պատմած է Պապիշը։
«Կարեւոր է, որ մենք հանդիպինք»,- նշած է պաշտօնեան։
Պաշտօնեաները Երեւան պիտի ժամանեն Եւրոպական քաղաքական համայնքի 8-րդ գագաթնաժողովի շրջածիրէն ներս, այն պիտի կայացուի մայիս 4–ին՝ «Կերտելով ապագան․ միասնութիւն եւ կայունութիւն Եւրոպայի մէջ» խորագրով։
