21.09c
Երեվան
երկ, հնս 23
Օրերս կաթուած մը անցուցած Արամազդ Գալայճեան կը գտնուի բժիշկներու խնամքին ներքոյ։
Եղելութեան մասին «Արեւելք» տեղեկութիւն քաղեց Արամազդի ազգականներէն։
Կը նշուի, որ Արամազդ արեան ճնշման հետեւանքով անցուցած է ուղեղային կաթուած եւ նախախնամութեան ուժով փրկուած։
Նշենք նաեւ, որ Եթովպիոյ հայկական գաղութին մասին ֆիլմ պատրաստած որդի է Գէորգ Գալայճեանին, որ ազգօգուտ գործունէութիւն ծաւալած է Նիւ Եորքի հայկական շրջանակներուն մէջ։
Ան կը սերի Գալայճաններու տաղանդաւոր ընտանիքէ (Անոր հօրեղբայրը ԱՄՆ Արեւելեան Թեմի նուիրեալ քահանայ հայրերէն էր) եւ նոյնպէս անոր հօրեղբայրը՝ Վազգէն Գալայճեան, ինչպէս նաեւ հօրաքոյրները ՝ Զարմինէ Պօղոսեան- Գալայճեան եւ Անի Գալայճեան իրենց ասպարէզներուն մէջ յաջողած ու հայութեան համար գործած անձնաւորութիւններ են։
Ամբողջական ապաքինում կը մաղթենք Արամազդին, յուսալով, որ շուտով կը վերադառնայ իր եռանդուն եւ ազգօգուտ գործունէութեան։
