image
Հրատապ լուրեր:

Անօդաչուներով գրոհ՝ Քրասնոտարի ուղղութեամբ

Անօդաչուներով գրոհ՝ Քրասնոտարի ուղղութեամբ

Քրասնոտարի երկրամասի նահանգապետ Վենիամին Քոնտրաթեւը յայտարարած է Սեւերսքի շրջանի «Աֆիփսքի» նաւթավերամշակման գործարանի վրայ անօդաչու թռչող սարքերու յարձակման մասին։ Ատոր հետեւանքով բռնկած է մազութի թորման գործարանը, գրած է kommersant.ru-ն։

Մոսկուայի ժամանակով 4:37-ին նահանգապետը յայտարարած է, որ հրդեհը մեկուսացուած է։

«Սեւերսքի թաղամասին մէջ՝ հրդեհ «Աֆիփսքի» նաւթավերամշակման գործարանի տարածքին մէջ. կ'այրի մազութի թորման բաժիններէն մէկը։ Նախնական պատճառը անօդաչու թռչող սարքն է»,-ըսած է նահանգապետը Telegram-ի էջի միջոցաւ։

Երկու օր առաջ անօդաչու թռչող սարքի յարձակումը ետ մղուած է նոյն Սեւերսքի թաղամասի «Իլսքի» նաւթավերամշակման գործարանի վրայ։