-0.91c
Երեվան
երք, փտր 11
Թուրքիա- Պոլիս հրապարկուող «Ակօս» պարբերականը այսօր հրապարակուած իր հայերէն յաւելուածին մէջ յօդուածով մը անդրադարձած է Լիբանանեան «Ժիպէյլ» շրջանի «Թռչնոց Բոյն» որբանոցի տարածքին մէջ եղող գերեզմաններու տեղափոխման խնդրին: Յօդուածագիրը ՝ պէյրութահայ Վիգէն Աշգարեան որբանոցին մասին պատմական շարադրանք մը ընելէ զատ գրած է վերջերս գաղութի օրակարգին մէջ առաջնային տեղ գրաւած «Թռչնոց Բոյն» շիրիմներուն փոխադրութեան խնդրին մասին: Յօդուածագիրը բաւական զուսպ եւ կշռադատուած ձեւով թեմային մասին յաւելեալ տեղեկութիւններ տալէ ետք արձանագրած է, որ հարցին վերաբերեալ ստեղծուած հարցադրումները խնդիրը տարած են այլ հարթութեան: Ան նաեւ դրական համարած է Մեծի Տանն Կիլիկոյ Կաթողիկոս՝ Տ. Արամ Ա. Վեհափառին շիրիմներու փոխադրութեան վերաբերեալ որոշումի սառեցումը խնդրի քննարկման համար յաւելեալ ժամանակ տալու մտադրութիւնէ մեկնելով: Աշգարեան բաւական դիպուկ մօտեցում մը ցոյց տալով իր վրդովմունքը յայտնած է պատասխանատու մարմիններուն կողմէ , որեւէ աշխատանքի առընթեր տարբեր կամ դէմ կարծիքները վտանգ եւ դաւադրութիւն համարելու միտումները այդ մօտեցումը համարելով հիւանդագին: Աւարտին Աշգարեան յարմար նկատած է քննարկումները շարունակել, որպէսզի, իր ըսելով՝ «Թռչնոց Բոյն»ն ալ չթռչի:
