9.09c
Երեվան
հնգ, մյս 07
Թուրքիոյ բանակին մէջ ծառայութեան ժամանակ դաւադրօրէն սպաննուած հայազգի Սեւակ Պալըքճիի երկու օր առաջ նախատեսուած դատը դարձեալ յետաձգուած է: «Արեւելք» այս մասին տեղեկութիւն ստացաւ Պալըքճիի հարազատներէն: Մեր տեղեկութիւններուն համաձայն, թուրք զինուոր Քվանչ Աղաօղլուի փամփուշտներով սպաննուած Սեւակի դատը յետաձգուած է դէպքին ականատես եղած անձերու արձանագրուած վկայութիւններուն դատարան չհասնելուն պատճառով: Հաղորդենք նաեւ, որ այս դատին իր մասնակցութիւնը բերելու համար Երեւանէն Պոլիս մեկնած էր նաեւ Սեւակի քոյրը ՝ Լեռնա Պալըքճին: Այս առաջին անգամը չէ, որ Սեւակի սպաննութեան գործը քննող դատական նիստը կը յետաձգուի, մինչ Սեւակը սպաննող ոճրագործ՝ Քվանչ Աղաօղլու «ազատ համարձակ» իր բնականոն կեանքը կը շարունակէ բանտէն դուրս: Յիշեցնենք, որ Պալըքճի սպաննուած էր 24 Ապրիլ 2011-ին, երբ իր հետ ծառայութեան մէջ եղող Քվանչ Աղաօղլու կրակ բացած ու սպաննած էր զինք: Կարճ ժամանակով բանտը մնացած Աղաօղլու աւելի ուշ դատարանին որոշումով ազատ արձակուած էր՝ հիմք ունենալով այն վարկածը, թէ Պալըքճին սպաննուած է ոչ թէ միտումնաւոր կերպով, այլ՝ արկածի հետեւանքով:
