19.09c
Երեվան
հնգ, հկտ 01
Ուքրանիան անցեալ տարուան ընթացքին չէ մօտեցած բանակցութիւններուն, իսկ Եւրոպան նոյն կերպ կը շարունակէ խոչընդոտել երկխօսութեան գործընթացի վերսկսման։ Այս մասին լրագրողներուն յայտնած է Ռուսիոյ նախագահի մամլոյ քարտուղար Տմիթրի Փեսքով։
Մէկ տարի առաջ, «Վալտայ» ակումբի նիստին ելոյթ ունենալով, Ռուսիոյ նախագահ Վլատիմիր Փութին յոյս յայտնած էր, որ Քիեւի վարչակազմը, այնուամենայնիւ, ուժ պիտի գտնէ բանակցային սեղանին շուրջ նստելու համար։ Այսօրուան «Վալտայ» ակումբի նիստէն առաջ Փեսքովին հարցուցած են, թէ ինչպէ՞ս կարելի է գնահատել անցած տարուան ընթացքին արձանագրուած զարգացումները։
«Ուքրանիան աւելի մօտ չէ բանակցութիւններուն։ Եւրոպան նախկինին պէս աւելի մօտ չէ բանակցութիւններուն եւ կը շարունակէ խոչընդոտել բանակցային գործընթացի վերսկսման», ընդգծած է Քրեմլինի ներկայացուցիչը։
