16.09c
Երեվան
հնգ, նմբ 05
Հայաստանի սամպոյի դաշնութենէն կը տեղեկանանք, որ Ռուսաստանի Դաշնութեան Կազան քաղաքին մէջ մայիս 12-16-ին տեղի ունեցած Սամպոյի Եւրոպայի տղամարդոց, կանանց եւ մարտական առաջնութեան մրցումներուն իր մասնակցութիւնը բերած է նաեւ Հայաստանը:
Մրցումի առաջին օրը 52 քկ քաշային կարգով հանդէս եկող Տիգրան Կիրակոսեանը (ք. Վանաձոր) եզրափակիչ պայքարին պարտուած է Ռուսիան ներկայացնող Վալերի Սորոնգովէն` արժանանալով արծաթէ մետալի:
90 քկ քաշային կարգով հանդէս եկող Էտիկ Պետրոսեանը (ք. Սպիտակ) նուաճած է պրոնզէ, իսկ մարտական սամպոյի 57 քկ քաշային կարգով Մխիթար Մխիթարեանը (ք. Սպիտակ) 3-րդ տեղի համար պայքարին՝ յաղթելով ուքրանացի մարզիկ Պոկտան Պապեպգոյին` նուաճած է պրոնզէ մետալ:
Մրցումին երկրորդ օրը հայ մարզիկներէն երեքը նոյնպէս յաջողած են նուաճել 3 պրոնզէ մետալ` Մաքսիմ Մանուկեանը (57 քկ, ք. Գիւմրի) եւ Արսէն Ղազարեանը (74 քկ, ք. Վանաձոր) 3-րդ տեղի համար պայքարին արժանացած են պրոնզէ պարգեւներու, իսկ մարտական սամպոյի 62 քկ քաշային կարգով հանդէս եկող Վահան Նիկոլայեանը (ք. Աբովեան)՝ 3-րդ տեղի համար պայքարին` արժանացած է պրոնզէ մետալի:
Մրցումի վերջին օրը մեր մարզիկներէն 2-ը դարձեալ յաջողցած են եւ նուաճեցին եւս 2 մետալ: Մարտական սամպոյի մէջ հանդէս եկող Գրիգոր Մխիթարեանը (52 քկ, ք. Գիւմրի) եզրափակիչ պայքարին պարտուեցած է Ռուսիան ներկայացնող Արտուշ Արսեանին, իսկ 68 քկ քաշային կարգով Վաչիկ Վարդանեանը (ք. Եղուարդ)` եզրափակիչին զիջելով ռուս մարզիկ Ռուսլան Հասանխանովին, արժանացած է արծաթէ պարգեւներու:
Այսպիսով` Հայաստանի հաւաքականը հայրենիք վերադարցած է` իր հետ բերելով` 3 արծաթէ եւ 5 պրոնզէ մետալներ:
