16.09c
Երեվան
ուրբ, հկտ 09
Երէկ, 23 Նոյեմբերին, թրքական լրատուական միջողները յայտարարած են, որ ռուսական երկու ռազմանաւեր, հատելով Պոսֆորի եւ Տարտանելի նեղուցները, ուղղուած են դէպի Սուրիա: Այս մասին կը տեղեկացնէ «Interfax» գործակալությունը:
Աղբիւրը յայտնած է նաեւ, որ երկու նաւերու լուսանկարները տարածող լրատուական կայքերը նշած են, որ յիշեալ նաւերը ռուսական նաւատորմիղին մաս կը կազմեն եւ կ'ուղղուին դէպի Թարթուսի նաւահանգիստ, ուր հաստատուած է ռուսական նաւատորմիղի նիւթական եւ գիտարուեստական օժանդակման կեդրոնը:
Թրքական կայքերու հաւաստմամբ, երկու նաւերու ստորջրեայ հատուածի լայնքը կը հաստատէ, որ անոնք շատ ծանր բեռ կը տեղափոխեն:
Ըստ լրատուամիջոցներու, յիշեալ երկու նաւերը, որոնք այս տարեսկիզբէն ի վեր արդէն 9-րդն են, որոնք կը հասնին Սուրիա, Սուրիոյ մէջ գործող ռուսական օդուժին, ինչպէս նաեւ սուրիական բանակին համար զինամթերք կը տեղափոխեն:
