11.09c
Երեվան
հնգ, հկտ 22
«Երեխաներու պաշտպանութեան միջազգային կազմակերպութեան» կողմէ հրապարակուած զեկոյցի համաձայն, Իսրայէլի պետութիւնը տարեկան 700 պաղեստինցի երախայ կը ձերբակալէ եւ կը դատապարտէ: Այս մասին կը գրէ «Lebanon 24»ը, նշելով, որ զեկոյցի համաձայն, ռազմական դատարանները երեխաներու հանդէպ վատ վերաբերմունք կը դրսեւորեն, ճնշման տակ հարկադրուած խոստովանութիւն ստանալու նպատակով:
Կազմակերպութեան հաշուետուողականութեան ծրագրի տնօրէն Այէտ Ապու Քթայշ պարզաբանած է, որ իսրայէլեան ուժերը 18 տարի առաջ երկրորդ «Ինթիֆատա»ի բռնկումէն ի վեր 2000 պաղեստինցի երեխայ սպաննած է, աւելցնելով, որ ոչ մէկ իսրայէլցի զինուոր պատասխանատուութիւն չէ կրած այդ հարցով:
Կազմակերպութեան կատարած վիճակագրութեան համաձայն պաղեստինեան երկրորդ «Ինթիֆաեայէն» ցայսօր 14 հազար երեխայ ձերբակալուած է, որոնցմէ 350-ը բանտերու մէջ կը մնան:
Նշենք, որ այս զեկոյցը պատրաստուած էր «Պաղեստինի երեխաներու օրուան» առթիւ, որ կը համընկնի ամէն տարուան 5 ապրիլին:
