21.96c
Երեվան
չրք, հլս 22
«Ժողովուրդ» թերթը գրում է. «Մեր տեղեկութիւններով՝ 23 սեպտեմբերին աւագանիի արտահերթ ընտրութիւններուն Երեւանի քաղաքապետ ընտրուած Հայկ Մարութեանը իր երդման արարողութիւնը որոշած է իւրայատուկ ձեւով իրականացնել:
Մարութեանն այդպէս պիտի վարուի, քանի որ Հանրապետութեան հրապարակը կը նոյնացուի թաւշեայ յեղափոխութեան յաղթանակի հետ, նաեւ դարձած է ժողովուրդի հետ իշխանութիւններու հաղորդակցութեան իւրօրինակ հարթակ: Ինչպէս կը յիշէք, վարչապետ Փաշինեանն ալ իր 100 օրն ամփոփեց Հանրապետութեան հրապարակին վրայ:
Երեւանի քաղաքապետարանէն յայտնեցին, որ Մարութեանն իրենց հետ չէ քննարկած իր ծրագիրները՝ հակառակ այն բանին, որ քաղաքապետարանի աշխատակազմը կը զբաղուի երդմնակալութեան արարողութեան կազմակերպման աշխատանքներով:
Աւելին՝ ըստ որոշ տեղեկութիւններու՝ մինչ այդ ՀՀ վարչապետ Նիկոլ Փաշինեանը չի բացառուիր որ հանդէս կու գայ յայտարարութեամբ, եւ Հայկ Մարութեանին ձայն տուած քաղաքացիներուն կը հրաւիրէ Հանրապետութեան հրապարակ՝ մասնակցելու անոր երդմնակալութեան արարողութեան»:
