9.09c
Երեվան
հնգ, մյս 07
Գոլոմպիոյ «Յեղափոխական զինուած ուժեր»ը (FARC) յայտարարութեամբ մը հանդէս գալով խստօրէն դատապարտած է թրքական բանակին ներխուժումը՝ սուրիական հողեր: Համացանցի ճամբով տարածուած հաղորդագրութեան մէջ FARC կոչ ուղղած է «աշխարհի բոլոր ժողովրդավարական ուժերուն» զօրավիգ կանգնիլ քիւրտերուն եւ օգնութեան ձեռք երկարել անոնց: Վէնէզուելական «Զինուած ուժեր»ը նաեւ յայտարարած են, որ Քոպանիի (Արաբունար) քիւրտերը երեւելի յաղթանակ տարած են Տահէշ ահաբեկչական խմբաւորման դէմ եւ պէտք է ամէն գնով զօրավիգ կանգնիլ անոնց: Նշենք, որ թրքական բանակը անցնող 24 օգոստոսին մուտք գործած էր Ճարապլուս: Մինչ Անգարա յայտարարած էր, որ իր հիմնական թիրախը Տահէշ խմբաւորումն է, անդին քրտական տարբեր աղբիւրներ դէպքերը մեկնաբանած էին, որպէս շրջանի քիւրտերուն դէմ ուղղուած բացայայտ զինուորական միջամտութիւն: Նշենք, որ թրքական կողմը նպատակ ունի քարային պատնէշ մը կառուցելով Քոպանին բաժնել թրքական շրջաններէն:
