image

Զերծ մնալ Սուրիոյ մէջ ռազմական գործողութենէ. Ռուսիայէն կոչ՝ Թուրքիոյ

Զերծ մնալ Սուրիոյ մէջ ռազմական գործողութենէ. Ռուսիայէն կոչ՝ Թուրքիոյ

Լաւրենթեւ. Մենք կը կարծենք, որ այդ խելամիտ քայլ պիտի չըլլայ, քանի որ այն կրնայ իրավիճակը ապակայունացնել:

 

Սուրիոյ խնդրով Ռուսիոյ նախագահի յատուկ ներկայացուցիչ Ալեքսանտր Լաւրենթեւ արձագանգած է Սուրիոյ մէջ Թուրքիոյ հնարաւոր ռազմական գործողութեան:

Թուրքիան կը պատրաստուի Սուրիոյ մէջ ռազմական գործողութեան, որ ուղղուած պիտի ըլլայ Անգարայի կողմէ ահաբեկչական համարուող քրտական ուժերուն դէմ:

«Մենք կը կարծենք, որ այդ խելամիտ քայլ պիտի չըլլայ, քանի որ այն կրնայ իրավիճակը ապակայունացնել», ըսած է ան` յաւելելով, որ Մոսկուան Անգարային կոչ կ'ընէ հրաժարելու այդ քայլէն եւ փորձելու հարցը լուծել քաղաքական ճանապարհով: Նաեւ նշած է, որ Ռուսիան այդ հարցով պատրաստ է աջակցութիւն ցուցաբերելիւ Թուրքիոյ:

Գրեթէ նոյնաբովանդակ յայտարարութիւն ըրած է Ռուսիոյ նախագահի մամուլի խօսնակ Տմիթրի Փեսքովը` զգուշացնելով Անգարան, որ այս ամէնը պիտի չնպաստէ Սուրիոյ անվտանգութեան եւ կայունութեան: