32.88c
Երեվան
հնգ, հլս 30
Հակափտածութեան դատարանը ՀՅԴ անդամ, «Համազգային հայ կրթական ու մշակութային հիմնադրամի» Գիւմրիի գրասենեակի տնօրէն, արցախեան պատերազմներու մասնակից, «Հայաստան» դաշինքի պատգամաւորի թեկնածու Արա Նախշքարեանի նկատմամբ կիրառեց տնային կալանք խափանման միջոցը:
Այս մասին յայտնած է անոր փաստաբան Հռիփսիմէ Գասպարեանը:
Մեղադրող կողմը պահանջած էր որպէս խափանման միջոց կիրառել 2 ամսուան կալանքը։
Յիշեցնենք, Արա Նախշքարեանի նկատմամբ քրէական վարոյթ նախաձեռնուած էր հեռախօսազրոյցի գաղտնալսմամբ՝ ԱԺ ընտրութիւններուն նախորդող օրերուն։
Նախշքարեանը ձերբակալուած է երէկ առաւօտեան։ Գործի շրջածիրէն ներս ձերբակալած են նաեւ Հայաստանի պետական տնտեսագիտական համալսարանի Գիւմրիի մասնաճիւղի ուսանողուհի 21-ամեայ Մ․Մ․-ն, որ եղած է «Հայաստան» դաշինքի յանձնաժողովի անդամ։
