15.09c
Երեվան
ուրբ, նմբ 22
Եւրոյանձնաժողովի ղեկավար Ուրսուլա ֆոն տեր Լայէնին աջակցող քաղաքական խումբը՝ Եւրոպական ժողովրդական կուսակցութիւնը (ԵԺԿ), քիչ մը կը նուազեցնէ իր ներկայութիւնը Եւրոխորհրդարանի մէջ Եւրոմիութեան երկիրներու մէջ քուէարկութեան արդիւնքներու յստակեցման ընթացքին: Տեղեկութիւնը նշուած է Եւրոխորհրդարանի կայքին մէջ։
Նշուած է, որ տեղեկութիւնը թարմացուած է:
Վերջին տուեալներով՝ Եւրոպական ժողովրդական կուսակցութիւնը պիտի ստանայ 720 տեղերէն 184-ը, ոչ թէ 191-ը, ինչպէս հաղորդուած է գիշերը: Ընդ որում, Եւրոպական ժողովրդական կուսակցութեան յաջորդող «Սոցիալիստներու եւ դեմոկրատներու առաջադիմական դաշինք» խումբը բարելաւած է իր արդիւնքները եւ ստացած 139 տեղ: Երրորդ տեղը՝ 80 տեղով զբաղցուցած է «Եւրոպայի նորացում» խումբը, աջ «Եւրոպական պահպանողականներու եւ բարեկարգողներու» խումբը՝ 73 տեղ, «Ինքնութիւն եւ ժողովրդավարութիւն» խումբը՝ 58 տեղ, «Կանաչներ» խումբը՝ 52 տեղ: Ցուցակը եզրափակած են «Ձախերը»՝ Եւրոխորհրդարանի նոր կազմին մէջ 36 տեղով։
Ընդ որում, կեդրոնամէտ աջակողմեան Եւրոպական ժողովրդական կուսակցութիւնը Եւրոխորհրդարանի նախկին կազմին մէջ ունէր 176 տեղ, սակայն խորհրդարանն այդ շրջանին ունէր ընդամէնը 705 տեղ, ոչ թէ 720, ինչպէս ներկայիս կազմն է։ Ուստի, ֆոն տեր Լայէնի կուսակցութիւնը, ըստ էութեան, աւելացուցած է իր ներկայութիւնը ընդամէնը 0,5 տոկոսով։
«Սոցիալիստներու եւ դեմոկրատներու առաջադիմական դաշինք» խումբը, որ նոր կազմին մէջ պիտի ստանայ 139 տեղ, պահպանած է իր նախորդ արդիւնքը, որ կը նշանակէ, որ հաշուի առնելով նոր Եւրոխորհրդարանի մէջ մանթատներու ընդհանուր թիւի աճը, կուսակցութիւնը կրճատած է իր ներկայութիւնը մօտ 0.4%-ով: Միեւնոյն ժամանակ, աջ պահպանողականներն ու բարեկարգողները բարելաւած են նախորդ գումարման արդիւնքները 3,2%-ով, իսկ «Ինքնութեան եւ ժողովրդավարութեան» ծայրայեղ աջ եւրասկեպտիկները՝ 1,1%-ով:
