-0.91c
Երեվան
երք, փտր 11
25 Դեկտեմբերին տեղի ունեցած է «Մեր ժամանակների հերոսը 2023» մրցանակաբաշխութիւնը, որու գլխաւոր մրցանակին արժանացած է թուաբանութեան մասնագէտ, ուսուցիչ, դպրոցական ձեռնարկներու հեղինակ, դպրոցի հիմնադիր Սեւադա Խոջաբաղեանը՝ Գորիսէն: Այս մասին դիմատետրեան իր էջին գրած է ՀՀ վարչապետ Նիկոլ Փաշինեանը:
«Մրցանակաբաշխութիւնն ամբողջութեամբ եթեր կը հեռարձակուի յունուարի 1-ին՝ Հանրային հեռուստաընկերութեամբ եւ իմ ֆեյսբուքեան էջով»,-գրած է Նիկոլ Փաշինեանը:
Միջոցառման ներկայ եղած են նաեւ ՀՀ նախագահ Վահագն Խաչատուրեանը, ՀՀ Ազգային ժողովի նախագահ Ալեն Սիմոնեանը, Սահմանադրական դատարանի նախագահ Արման Դիլանեանը, Բարձրագոյն դատական խորհուրդի նախագահ Կարէն Անդրէասեանը, Վարչապետի աշխատակազմի ղեկավար Արայիկ Յարութիւնեանը, Անվտանգութեան խորհուրդի, կառավարութեան անդամներ, Ազգային Ժողովի պատգամաւորներ, մարզպետներ ու պաշտօնատար այլ անձինք:
Մրցանակները շնորհուած են ՀՀ վարչապետի աշխատակազմի Տեղեկատւութեան եւ հանրային կապերու կեդրոնի կողմէ պատրաստուող «Մեր ժամանակների հերոսը» հաղորդման 12 մասնակիցներուն՝ կաւագործ, «Սաղմոս կերամիկա» ապրանքանիշի հիմնադիր, 44-օրեայ պատերազմի մասնակից Անդրանիկ Մանուկեանին, փայտեայ խաղալիքներ արտադրող «Հատիկ» ապրանքանիշի հիմնադիր Վարդանուշ Գրիգորեանին, մանրանկարիչ-կրկնօրինակող, «Հայկական մանրանկարչութեան ստուդիա»-ի հիմնադիր Աննա Մարգարեանին, «Համբարձումեան» պարի դպրոցի հիմնադիր Աւագ Համբարձումեանին, «Գիտակ ռոբոտիկս» ծրագրաւորման եւ ռոպոթաշինութեան աշխատանոցի հիմնադիր Խաչատուր Նիկողոսեանին, հայկական աւանդական հարսանիք կազմակերպող «Թոնիր հարսանեկան գիւղ»-ի հիմնադիրներ Հայկ Երանոսեանին եւ Սիրարփի Խոջաբաղեանին, «Հնձան պանդոկ»-ի հիմնադիր, 44-օրեայ պատերազմի մասնակից Հայկ Միքայէլեանին, հագուստի ձեւաւորող, «Շամշիկ» ապրանքանիշի հիմնադիր Աննա Աւետիսեանին, քանդակագործ, «Բեն Արտ» կեդրոնի հիմնադիր, 44-օրեայ պատերազմի մասնակից Բենիամին Պօղոսեանին, «Զինուորաց իշխանաց» բարեգործական ՀԿ-ի հիմնադիր Սիրվարդ Բերբերեանին, միքրոկանաչիներու արտադրութեան հիմնադիր Իննա Ամիրխանեանին, ձեռագործ կաշուէ իրերու արտադրութեամբ զբաղող «Horus studio»-ի հիմնադիր Գոռ Վաղրամեանին:
