14.09c
Երեվան
կրկ, հկտ 25
Իրանի զինուած ուժերու Ընդհանուր սպայակոյտի պետ, զօրավար-մայոր Ալի Ապտոլլահի յայտարարած է, որ Թեհրան որեւէ պարագայի պիտի չարտօնէ ամերիկեան ռազմական նաւերու մուտքը Պարսից ծոց։
Ինչպէս կը հաղորդէ «Թասնիմ» գործակալութիւնը՝ Ապտոլլահի պնդած է, որ ԱՄՆ-ի ռազմածովային ուժերն այլեւս չեն կրնար մօտենալ Պարսից ծոցին եւ Իրանի տարածքային ջուրերուն։
«ԱՄՆ-ի նախագահը կրնայ միայն երազել, որ իր զինուորներն ու զինուած ուժերը դարձեալ մուտք գործեն Պարսից ծոց»,– ըսած է ան։
Ապտոլլահի նաեւ կասկածի տակ դրած է Իրանի ռազմական կարողութիւններուն ոչնչացման մասին Ուաշինկթընի յայտարարութիւնները։ Անոր համաձայն՝ եթէ ամերիկեան կողմը վստահ է իր պնդումներուն, ապա հարց կը ծագի, թէ ինչո՛ւ ամերիկեան ուժերն ու նաւերը չեն մօտենար Հորմուզի նեղուցին եւ Իրանի սահմաններուն։
