4.09c
Երեվան
կրկ, դկտ 22
Սրի Լանքան կը տառապի սննդամթերքի եւ վառելանիւթի անբաւարարութենէն, ելեկտրականութեան երկարատեւ անջատումներէ եւ սրընթաց աճող սղաճէն այն բանից յետոյ, երբ սպառած է կենսական նշանակութիւն ունեցող ապրանքներ ներածելու համար անհրաժեշտ արտարժոյթը:
Սրի Լանքայի նախագահ Կոթապայա Ռաճապաքսան փախած է Գոլոմպոյի իր պաշտօնական նստավայրէն, երբ ցուցարարները, որոնք հաւաքուած էին անոր հրաժարականը պահանջելու համար, ներխուժած են համալիրի տարածք, AFP-ին յայտնած է պաշտպանութեան մարմիններուն մէջ բարձրաստիճան աղբիւրը:
«Նախագահին ուղեկցած են անվտանգ վայր», ըսած է աղբիւրը` յաւելելով, որ զօրքերը օդ կրակած են, որպէսզի թոյլ չտան զայրացած ամբոխին գրաւելու նախագահական պալատը:
Սրի Լանքան կը տառապի սննդամթերքի եւ վառելանիւթի անբաւարարութենէն, ելեկտրականութեան երկարատեւ անջատումներէ եւ սրընթաց աճող սղաճէն այն բանից յետոյ, երբ սպառած է կենսական նշանակութիւն ունեցող ապրանքներ ներածելու համար անհրաժեշտ արտարժոյթը:
Մարդոց հսկայական բազմութիւն հաւաքուած է մայրաքաղաքին մէջ` ցոյցի, որ երկրին մէջ աննախադէպ տնտեսական ճգնաժամի հետեւանքով յառաջացած անկարգութիւններու վերջին դրսեւորումն է:
Ոստիկանութիւնը չեղարկած է Ուրբաթ օր յայտարարուած պարէտային ժամը այն բանէն յետոյ, երբ ընդդիմադիր կուսակցութիւնները, իրաւապաշտպանները եւ փաստաբաններու միութեան սպառնացած են դատի տալ ոստիկանապետը:
Հազարաւոր հակակառավարական ցուցարարներ արհամարհած են տունը մնալու հրամանը եւ նոյնիսկ ստիպած են երկաթուղիի իշխանութիւններուն գնացքներ գործարկել` շաբաթօրեայ հանրահաւաքին իրենց Գոլոմպօ տանելու համար, յայտնած են պաշտօնատար անձեր:
