11.09c
Երեվան
երք, մրտ 11
Լիբանան- «Արեւելք»ի ունեցած տեղեկութիւններով Պիքֆայայի յուշարձանը իր նախկին տեսքին պիտի բերուի: Այս մասին տեղեկութիւնը կարելի եղաւ ճշդել յուշարձանի հեղինակ պէյրութահայ յայտնի քանդակագործ Զաւէն Խտըշեանի մօտիկ կանգնող աղբիւրէ մը: Աղբիւրը, որ խնդրեց իր անունը չտալ յայտնեց, որ վերջին օրերուն Մեծի Տանն Կիլիկիոյ կաթողիկոսը ընդունած է Զաւէն Խտըշեանը եւ հանդիպման ընթացքին խօսուած է Պիքֆայաի յուշարձանի վերանորոգման մասին: Հանդիպման աւարտին Խըտշեան Վեհափառ հօրմէն հաւաստիացումներ ստացած է, որ յուշարձանը իր նախկին տեսքին պիտի բերուի եւ անոր վրայ կատարուած փոփոխութիւնը պիտի վերացուի:Նշենք, որ դպրեվանքին շուրջ տեղի ունեցած փոփոխութիւններուն ընթացքին ճարտարպետները Պրոնզեայ յուշարձանին վրայէն հանած էին բաթէն անունով յայտնի նիւթը բան մը, որ մեծ վրդովմունք յառաջացուցած էր յուշարձանի հեղինակ Զաւէն Խըտշեանին մօտ: Խնդիրը հրապարկայնացած էր երբ Խտըշեան Պէյրութ հրապարակուող «Զարթօնք» օրաթերթին մէջ կարճ խօսք մը գրած էր պատկան մարմիններէն խնդրելով յուշարձանը վերադարձնել իր նախկին տեսքին: Մեր աղբիւրներէն նաեւ կը յայտնեն, որ յուշարձանը իր նախկին տեսքին բերելու աշխատանքները պիտի կատարուին ձմեռնամուտէն առաջ:
