0.09c
Երեվան
չրք, մրտ 12
Քրտական «Սուրիոյ դեմոկրատական ուժեր»-ը համաձայնագիր ստորագրած է՝ միանալու Սուրիոյ նոր իշխանութիւններուն ենթակայ անվտանգութեան ուժերուն։ Այս մասին յայտնած է Սուրիոյ նախագահ Ահմետ Շարաայի՝ անցումային շրջանի գրասենեակը Telegram-ի իր ալիքով։
Համապատասխան փաստաթուղթը ստորագրուած է Շարաայի եւ «Սուրիոյ դեմոկրատական ուժեր»-ու հրամանատար Մազլում Ապտիի հանդիպման ժամանակ։ Ըստ համաձայնագրի, որու բնագիրը հրապարակած է Սուրիոյ ղեկավարի գրասենեակը, «բոլոր քաղաքացիական եւ ռազմական կառոյցները, որոնք տեղակայուած են Սուրիոյ հիւսիս-արեւելքը, պիտի համարկուին նոր իշխանութիւններու գլխաւորած կառավարման համակարգին»։ Խօսքը, մասնաւորապէս, քրտական տարածքներու բոլոր անցակէտերու, ինչպէս նաեւ այնտեղ գտնուող օդակայանի, կազի ու նաւթի հանքավայրերու մասին է։
Բացի այդ, Դամասկոսի եւ «Սուրիոյ դեմոկրատական ուժեր»-ու միջեւ համաձայնագիրը կը նախատեսէ հրադադար ամբողջ Սուրիոյ մէջ եւ քիւրտ բնակչութեան կ՚երաշխաւորէ սահմանադրութեամբ նախատեսուած բոլոր իրաւունքները, ներառեալ քաղաքացիութեան իրաւունքը: Քիւրտերը, իրենց հերթին, կը խոստանան աջակցիլ սուրիական նոր իշխանութիւններուն՝ նախկին նախագահ Պաշշար Ասատի կողմնակիցներու եւ Սուրիոյ անվտանգութեան եւ միասնութեան սպառնացող այլ տարրերու դէմ անոնց պայքարին:
Համաձայնագիրը էետք է կեանքի կոչուի մինչեւ այս տարուան վերջ։
