29.09c
Երեվան
կրկ, ապր 28
Հայաստանի Հանրապետութեան վարչապետ Նիկոլ Փաշինեան ՀՀ քաղաքացիի անձնագիր յանձնած է 105-ամեայ Նուրհան Եուսուփովիչին: Այս մասին վարչապետը գրած է Facebook-ի իր էջին վրայ՝ լուսանկարի հետ միասին:
«Ինծի համար մեծ պատիւ էր Հայաստանի Հանրապետութեան քաղաքացիի անձնագիր յանձնել 105-ամեայ մեր հայրենակից Նուրհան Եուսուփովիչին (ծնեալ Պոլիս, 1915-ին):
Կրկնակի յուզիչ էր գիտնալ, որ Նուրհան Եուսուփովիչը մշտական բնակութեան Հայաստան վերադառնալու որոշումը կայացուցած էր՝ ոգեշնչուելով ոչ բռնի, թաւշեայ, ժողովրդական յեղափոխութեամբ:
Նկարին մէջ՝ Նուրհան Եուսուփովիչը կը համբուրէ իրեն շնորհուած ՀՀ քաղաքացիի անձնագիրը»,- գրած է վարչապետը:
Նշենք, որ 105-ամեա Նուրհան Պօղոս Եուսուփովիչը քանի մը ամիս է կ՝ապրի Հայաստանի մէջ: Որոշած է կեանքի մնացեալ հատուածը ոչ միայն անցնել Հայաստանի մէջ, այլեւ ստանալ ՀՀ քաղաքացիութիւն:
19 Փետրուարին, ՀՀ վարչապետ Նիկոլ Փաշինեան յայտնած էր, որ նախագահին առաջարկած է քաղաքացիութիւն շնորհել Հայաստան տեղափոխուած 105-ամեայ իտալահայուն:
