12.09c
Երեվան
հնգ, մրտ 26
ՀՀ եւ Ռուսաստանի ԱԳՆ ղեկավարներ Արա Այվազեանը եւ Սերկէյ Լաւրովը քննարկած են Լեռնային Ղարաբաղի մէջ մարդասիրական արձագանգման հարցերը, տարածաշրջանին մէջ տնտեսական եւ հաղորդակցութեան ապաարգելափակումը: Հանդիպումը կայացած է Մոսկուայի մէջ Անկախ Պետութիւններու Համագործակցութեան (ԱՊՀ) Արտաքին գործոց նախարարներու խորհուրդի շրջածիրէն ներս:
Ինչպէս կը յայտնէ ՌԴ ԱԳՆ մամուլի ծառայութիւնը, կողմերը քննարկած են 2020 թուականի 9 նոյեմբերի եւ 2021 թուականի 11 յունուարի՝ Ռուսաստանի, Ատրպէյճանի եւ Հայաստանի առաջնորդներու միջեւ ձեռք բերուած համաձայնութիւններու իրականացման ընթացքը:
Նախարարները կարծիքներ փոխանակած են հայ-ռուսական համագործակցութեան հարցերու շուրջ, ներառեալ՝ բարձր մակարդակով շփումները, երկու պետութիւններու միջեւ դիւանագիտական յարաբերութիւններու հաստատման 30-ամեակին նախապատրաստութիւնը:
Քննարկուած են նաեւ փոխադարձ հետաքրքրութիւն ներկայացնող միջազգային օրակարգի թեմաներ:
