17.09c
Երեվան
ուրբ, նմբ 14
Գանատայի Քեպեք նահանգի քաղաքապետական ընտրութիւնները տեղի ունեցան Նոյեմբեր 2ին եւ Մոնթրէալի ու Լավալի քաղաքապետական ընտրութիւններուն առաջադրուած հայազգի թեկնածուներէն երեքը յաղթանակ արձանագրեցին:
Մոնթրէալի ընտրութիւններուն յաղթանակ արձանագրած հայազգի թեկնածուներն են` Վանայ Նազարեան, երկրորդ անգամ ըլլալով, «Անսամպլ Մոնրէալ» կուսակցութեան կողմէ, Սեն Լորան շրջանի Côte-de-Liesse ենթաշրջանի քաղաքապետութեան եւ Շահէ Տարագճեան, երկրորդ անգամ ըլլալով, նոյն կուսակցութեան կողմէ, Pierrefonds-Roxboro շրջանի Cap-Saint-Jacques ենթաշրջանի քաղաքապետութեան, իսկ Լավալի ընտրութիւններուն յաղթանակ արձանագրեց Սեդա Թոփուզեան, նոյնպէս երկրորդ անգամ ըլլալով, «Մուվըման Լավալուա» կուսակցութեան կողմէ, Լավալի Renaud Coursol շրջանի քաղաքապետութեան:
Մարի Տերոս, որ իր թեկնածութիւնը առաջադրած էր «Անսամպլ Մոնրէալ» կուսակցութեան կողմէ, Villeray-Saint-Michel-Parc-Extension շրջանի Parc-Extension ենթաշրջանի քաղաքապետութեան, սակաւաթիւ քուէներով կորսնցնելէ ետք բողոքարկեց, եւ արդիւնքը ենթակայ է վերատեսութեան:
