12.09c
Երեվան
կրկ, մյս 31
«Ազդակ» հայերէն կը գրէ
«Ազդակ», 11/10/2025
*** Լիբանանի եւ Սուրիոյ պետութեան միջեւ յարաբերութիւնները...(էջ1):
---Լիբանանի եւ Սուրիոյ պետութեանց միջեւ յարաբերութիւնները...
***Ոմանք իմ իրագործածէս շատ քիչ բան իրագործեցին (էջ 1):
---Ոմանք ինձմէ նուազ իրագործեցին:
***Նախագահական ու վարչապետի իշխանութեան երթը արգելակելու ... (էջ2):
---Նախագահական ու վարչապետական իշխանութեանց երթը արգելակե-
լու:
***Թող քննարկեն իրենց եւ այլ առաջարկները (էջ 2):
---Թող քննարկեն իրենց եւ այլոց առաջարկները:
***Այլ համայնք բացի Լիբանանը (էջ 2):
---Այլ համայնք բացի Լիբանանէն:
«Ազդակ», 13/10/2025
***Ճէյ. Տի. Վենա յայտարարեց, որ չի պատրաստուիր Կազա կամ Իսրայէլ զօրքեր ուղարկելու (էջ 1):
Սխալ է ըսել զօրքեր, կը բաւէ ըսել զօրք:
---Ճէյ. տի. Վենա յայտարարեց, որ չի պատրաստուիր ...զօրք ուղարկելու:
Զօրք ըստ պատշաճութեան կը նշանակէ թէ՛ զօրք, թէ՛ զօրքեր:
Ճիշդ ինչպէս ձմերուկ կը նշանակէ երկուքն ալ:
--Թորոսը ձմերուկ կ’ուտէ: ( մէկ հատ)
--Մարկոսը ձմերուկ կը ծախէ: (մէկէ աւելի)
***Իսրայէլեան յարձակումը ոչինչ պիտի փոխէ մեր ժողովուրդի համոզում-ներէն, որոնք իրենց կեանքերով կը վճարեն արեան գինը (էջ 2):
Ժողովուրդ գոյականը հաւաքական է. այսինքն՝ իմաստով յոգնակի, սակայն քերականօրէն եզակի կը մնայ:
Ուստի՝
---Իսրայէլեան յարձակումը ոչինչ պիտի փոխէ մեր ժողովուրդի համոզում-ներէն, որ իր կեանքով կը վճարէ արեան գինը:
Նախընտրաբար՝
---Իսրայէլեան յարձակումը ոչինչ պիտի փոխէ համոզումներէն մեր ժողովուրդին, որ իր կեանքով կը վճարէ արեան գինը:
***Լիբանանի նախարարը խստագոյն կերպով դատապարտեց յարձակում-ները (էջ 2):
Լիբանան պոչաւոր նախարար չունի, որքան գիտենք...
Ուրեմն՝
---Լիբանանի նախարարը խստօրէն դատապարտեց յարձակումները:
---Լիբանանի նախարարը խստագոյնս դատապարտեց յարձակումները:
***Նախագահ Թրամփին ... ռուսական յարձակումներուն մասին տեղեակ պահեցի (էջ 8):
---Նախագահ Թրամփը ... տեղեակ պահեցի ռուսական յարձակումներուն:
***Լիբանան յառաջիկայ շաբաթներուն ընթացքին ականատես պիտի դառնայ այցելութ իւններեան արաբ եւ օտար պատուիրակներու կողմէ (8):
---Լիբանան յառաջիկայ շաբաթներուն ականատես պիտի դառնայ արաբ եւ օտար պատուիրակներու այցելութեան:
***Լիբանանեան ճակատի վրայ հանդարտութեան տապալումը տեղական մակարդակի վրայ պիտի չմնայ (էջ 8):
---Լիբանանեան ճակատի հանդարտութեան տապալումը տեղական մակարդակի վրայ պիտի չմնայ:
***Բոլորը կը գիտակցին ներկայ փուլի նրբութիւնն ու ...անհրաժեշտութիւնը (էջ 8):
Գիտակցիլ չէզոք բայ է. տրական հոլով խնդիր կը պահանջէ:
---Բոլորը կը գիտակցին ներկայ փուլի նրբութեան եւ անհրաժեղտութեան:
***Մենք քննարկեցինք օդային պաշտպանութիւնը ամրապնդելու կարելիու-
թիւնները եւ այն համաձայնագ ի րն երը, որոնց մենք կը պատրաստուինք ատոր համար (էջ 8):
---Մենք քննարկեցինք օդային պաշտպանութիւնը ամրապնդելու կարելիու-թիւնները եւ այն համաձայնագրերը, որոնց կը պատրաստուինք:
***Թիրախաւորուած է թէ՛ քրիստոնեան, թէ՛ իսլամը, եւ անոնց արիւնը իրարու միախառնուեցաւ (էջ 2):
Այսպիսի համադասութիւն չի կրնար ըլլալ. այլ խօսքով՝ կեղծ ու բռնազբօսիկ համադասութիւն է տեղի ունեցածը եւ շաղկապի չարաշահութիւն:
Այստեղ առկայ են ստորադասական բարդ նախադասութեան մը տուեալ-ները՝ հետեւեալ կաղապարով.
---Թիրախաւորուած է թէ՛ քրիստոնեան, թէ՛ իսլամը, որոնց արիւնը իրարու միախառնուեցաւ:
Նախընտրաբար՝
---Թիրախաւորուած են թէ՛ քրիստոնեան, թէ՛ իսլամը, որոնց արիւնները միախառնուեցան իրարու:
Մրցոյթ 45.
***Դուն ինչպէ՞ս կը գրէիր հետեւեալ նախադասութիւնը.
---Թերթի այդ թիւին մէջ ընդգծելի է գրող տիկին Սիմոնեանի մէկ ծրագիրին բացայայտումը :
***Դարմանէ՛ հետեւեալին անհամասեռութիւնը.
---Նախագիծը կը վերաբերի... յանցագործութիւններու հերքումին, արդարա-ցումին կամ անոնց վտանգի նսեմացումին:
***Կէտերը փոխարինել հետեւեալներէն մէկով՝ առողջական, առողջարար, առողջապահական :
---Թարմ բանջարեղէնը առողջարար յատկութիւններ ունի:
***Փորձէ հայեցի շարադասել հետեւեալը՝ առանց որեւէ բառ փոփոխելու.
---Թրամփի ծրագիրի որեւէ բարեփոխում կը նշանակէ մերժել զայն:
***Երկու բառով ըսէ ընդգծուած հատուածը:
---Տեղացած է երկու ամսուան համարժէք անձրեւ՝ խուճապահարելով բնակչութիւնը («Արարատ», 2/10/2025, էջ 1):
Ճիշդ պատասխանած են՝ Միրնա Սիւլիւքճեան (3), Գէորգ Եազըճեան (9), Գեամ Խաչատրեան (6), Համբարձում Յարթունեան (7), Ցոլակ Ապտալեան (7), Պերճ Տէր Սահակեան (7), Եփրեմ Թոքճեան (8):
Մրցոյթ 46.
***Կէտադրական ի՞նչ նշան կը դնես փակագիծի հարցման նշանին տեղ:
---Հայրը, մայրը, երիտասարդը, քոյրը (?) բոլորը դարձան կամաւոր:
***Հետեւեալ հինգ յոգնակիներէն ո՞ր մէկը կարելի է եզակի դարձնել.
---Քնննարկուեցան ֆինանսական բարեփոխումները եւ դրամատուներու մէջ պահ դրուած գումարներ ունեցողներուն իրաւունքները («Ազդակ», 3/10/2025, էջ):
***Կէտերուն տեղ ի՞նչ կը դնես՝ Է թէ՞ են :
---Նշեալ խորագրին տակ յօրինուած յերիւրանքները` թուրքերու կողմէ պատմութիւնը խեղաթիւրելու փորձ մըն .......... («Հայրենիք», 6/10/2025):
***Սրբագրել քերականական սխալը.
---Նախագահը թելադրած է լիբանանցիները խնայել ամէնամեայ առաջին անձրեւին ողողումներէն («Արարատ», 7/10/2025, էջ 1):
***Դուն ինչպէ՞ս կը հայացնես հետեւեալը՝ առանց որեւէ բառ փոխելու.
---Իսրայէլեան անօդաչու սարք մը երէկ կէսօրին Նապաթիէի նահանգի ճամբուն վրայ ինքնաշարժ մը հարուածեց («Ազդակ», 7/10/2025, էջ 2):
Արմենակ Եղիայեան
armenag@gmail.com
